Британияда сальмонеллез эпидемиясынан бир адам каза болуп, 207 учур аныкталды.
Улуу Британиянын Саламаттыкты сактоо коопсуздугу агенттигинин (UKHSA) билдирүүсүндө, эпидемиядан таасирленген 207 кишинин жашынын 1ден 90го чейин экени белгиленди.
Билдирүүдө жуктуруу учурларынын себебин иликтөөдө Британияда өндүрүлгөн жумуртка же канаттуу этинен келип чыкпаганы, азыркы далилдер өлкөгө импорттолгон жумурткаларга ишара кылганы айтылды.
Мындан тышкары, билдирүүдө ооруп калган кишилер бузулган жумуртканы үйүндө эмес, кафе-ресторандардан жеген болушу мүмкүн экени кабарланды.
Кеминде 34 адам ооруканада дарыланып, 2 адамда кан инфекциясы аныкталганы билдирилди.
Сальмонеллез оорусунун белгилерине ысытма, диарея, жүрөк айлануу, кусуу жана ичтин оорушу кирет. Көпчүлүк учурларда симптомдор бир нече күндүн ичинде жок болуп кетсе да, өзгөчө жаштардын жана иммундук системасы начар адамдардын өмүрүнө коркунуч туудурушу мүмкүн.
