АКШ жана Израиль колдогон жаңы Газа гуманитардык жардам фонду (GHF) шейшемби күнү Газанын түштүгүндөгү жардам бөлүштүрүүчү борбордо ишин баштады.
AFP кабарчылары жана жергиликтүү жетекчилердин билдиргенине караганда Рафахтагы борборго миңдеген палестиналык келип, башаламан көрүнүштөр пайда болду.
БУУнун Палестиналык качкындарга жардам агенттигинин (UNRWA) төрагасы Филипп Лаззарини Токиодо жасаган билдирүүсүндө : «Кечээ биз ачка адамдардын тосмолорду көздөй түртүшүп, тамак-аш үчүн айласыздан күрөшкөн шок кылуучу көрүнүштөрдү көрдүк. Бул баш аламандык жана кооптуу эле»,- деди.
Бул окуя Израилдин 2 - мартта иш киргизген толук жардам блокадасын жарым-жартылай жеңилдеткенден бир нече күн өткөндөн кийин болду. Блокада тамак - аш жана дары - дармек кыйынчылыгына жол ачкан.
Куралдуу кол салууу
Газадагы Палестина Саламаттыкты сактоо министрлиги Израиль күчтөрүнүн Газадагы жардам борборуна келген адамдарга ок атуусу менен кеминде бир адам каза болуп, 48 адамдын жаракат алганын билдирди.
БУУнун адам укуктары боюнча кеңсеси шейшемби күнү Газада GHF тарабынан башкарылган жардам таратуу борборлорунда тамак-аш алууга аракет кылган ондогон адамдын жаракат алганын билдирди.
Оккупацияланган Палестина аймактары боюнча БУУнун Адам укуктары боюнча Жогорку комиссарынын өкүлү Ажит Сунгхай Женевада журналисттерге берген маегинде «47 киши ок атуудан жарадар болду»,-деп билдирди.
Анын айтымында, атышуу «Израилдин коргонуу күчтөрү» тарабынан жасалган.
Бириккен Улуттар Уюмунун Адам укуктары боюнча кеңсеси адамдар кайсы жерде жарадар болгонун так айта алган жок.
‘Кырсыктуу ийгиликсиздик’
Ошол эле учурда АКШ палестиналыктарга "өтө муктаж" болгон жүз миңдеген азык-түлүк кутуларын таратканын билдирди.
АКШ Мамлекеттик департаментинин басма сөз катчысы Тэмми Брюс шейшемби күнү билдирүү жасап, АКШ-Израиль биргелешкен жардам тобу 8000 азык-түлүк кутусу аркылуу 462 000 тамак-аш тараткандыгын айтты.
Брюс түштүктөгү Рафах шаарындагы жардам бөлүштүрүүчү жайга барган палестиналыктарга Израиль армиясынын кол салуулары тууралуу кабарлардан качкан жана анын ордуна фонддун жардам бөлүштүрүүдөгү ийгиликтерине көңүл бурган.
Брюс Израиль армиясынын Рафахтагы жардам борборуна келген палестиналыктарга карата кол салуусу отчетторуна токтолуудан алыс турду жана мунун ордуна фонддун жардам жеткирүүдөгү ийгиликтерине көңүл бурду.
Гуманитардык артыкчылыктар коркунучка салынууда
Бириккен Улуттар Уюмунун Гуманитардык маселелерди координациялоо башкармалыгы (OCHA) GHF тарабынан берилген жардамдын бөлүштүрүлүшү Газадагы шашылыш гуманитардык приоритеттерден, мисалы, туруктуу жеткиликтүүлүктөн, коопсуз шарттардан жана тез жардам материалдарын тез арада бекитүүдөн көңүлдү алагды кылуу коркунучунун бар экендигин эскертти.
Февраль айында түзүлгөн фонд Бириккен Улуттар Уюму тарабынан катуу сынга алынып, БУУнун жетекчилери фонддун жардам таратуу пландарынын бир гана палестиналыктардын күч менен жер которуусун гана жеңилдетип, дагы көп зомбулукка алып келерин билдирди.
Дүйнөлүк ачарчылыкты көзөмөлдөө уюму Газа калкынын төрттөн биринен ашыгы, жарым миллиондон ашуун адамдын ачкадан өлүү коркунучунда экенин эскертти.
Израиль 2-марттан бери Газа тилкесине азык-түлүк, медициналык жана гуманитардык жардамдарды киргизүүнү токтотуп, Газанын 2,4 миллион тургуну жабыркаган оор гуманитардык кризисти ого бетер курчутту.
