Түркиянын Коммуникация башкармалыгынын башчысы Бурханеттин Дуран Түркия Түштүк Африкада өткөн G20 саммитинде аймактык тынчтыкка жана глобалдык экономикалык туруктуулукка "бекем берилгендигин" баса белгилегенин айтты.
Жекшемби күнү түрк социалдык медиа платформасы NSosyalдагы постунда Дуран президент Режеп Таййип Эрдоган саммиттин сессияларында, басма сөз жыйындарында жана көптөгөн эки тараптуу жолугушууларда Анкаранын көз караштарын натыйжалуу жеткирип, коргонуу, соода, энергетика, технология жана авиация тармагындагы кызматташтыкты талкуулаганын белгиледи.
Дуран өлкөнүн дипломатиялык таасиринин өсүп жатканын жана Эрдогандын Газадагы гуманитардык кризиске жана глобалдык аракеттердин зарылдыгына басым жасаганын баса белгиледи.
Коммуникация башкармалыгынын башчысы ошондой эле: "Түркиянын Украина менен Орусия ортосундагы жаңжалга карата конструктивдүү мамилеси жана глобалдык экономиканы инклюзивдүү өнүктүрүү чакырыктары да баса белгиленди", - деп белгиледи.
Түркия COP31ди өткөрөт
Бурханеттин Дуран Түркия келерки жылдын ноябрында өтүүчү БУУнун климаттын өзгөрүшү боюнча COP31 конференциясына төрагалык кылаарын жана өткөрөрүн айтты.
Дуран Түркиянын климаттын өзгөрүшүнө каршы күрөштө алдыңкы ролду ойноорун жана 2053-жылга чейинки Нөлдүк эмиссиянын максаты жана Нөл калдыктар кыймылы сыяктуу демилгелер өлкөнүн туруктуу өнүгүүгө болгон берилгендигин көрсөтүп тураарын билдирди.
Бурханеттин Дуран: "Президентибиз Режеп Таййип Эрдоган тарабынан жарыяланган 2053-жылга чейинки Таза нөлдүк эмиссиянын максаты дүйнөгө Түркиянын азыркы учурду гана эмес, келечекти да эске алган өнүгүү ыкмасын көрсөтөт. Энергетика жана транспорттон баштап шаар курууга жана өндүрүшкө чейинки бардык саясий тармактарда жашыл трансформацияга артыкчылык берген бул көз караш COP31 процесси үчүн күчтүү лидерлик негизин түзөт", - деди.
Дуран ошондой эле: "Президентибиздин жубайы Эмине Эрдогандын колдоосу астында глобалдык экологиялык кыймылга айланган Нөл калдык демилгеси жашоого ыңгайлуураак дүйнө үчүн эң шыктандыруучу ийгилик окуяларынын бири. Таштандыларды азайтуу, ресурстарды сарамжалдуу пайдалануу жана жаратылышты урматтаган жашоо маданиятын жайылтуу COP31 рухуна толук дал келген максаттардын катарына кирет", - деди.
Түркия Республикасынын Коммуникация башкармалыгынын башчысы Бурханеттин Дуран кошумчалап: "Мен бул тарыхый жолугушуу климаттык дипломатиянын жүрөгү Анадолуда согуп, глобалдык чечимдер Түркиядан резонанс жараткан процесс болот деп ишенем",-деди.
