New York Times гезитине маалымат берген эки жетекчинин айтымында, Трамп администрациясы мигранттарды массалык түрдө депортациялоонун жолдорун изилдеп жатат.
Эки жетекчинин Трамп администрациясынын Түндүк жана Түштүк Америка өлкөлөрүнө мыйзамсыз мигранттарды депортациялоо үчүн Аскер-деңиз күчтөрүнүн окуу кемелерин жана паромдорун колдонууну карап жатканын билдирди.
Бул маселе боюнча сүйлөшүүлөрдүн акыркы жумаларда болгонун, али алгачкы этапта экенин айткан жетекчилер бул кемелердин бири Калифорнияда жайгашкан жана Деңиз академиясы тарабынан колдонулган "Golden Bear" окуу кемеси экенин белгилешти.
Пландын купуялуулугуна байланыштуу аты-жөнүн айткысы келбеген дагы бир киши АКШнын Коргоо министрлигинин жетекчилеринин бул темада колдонула турган Европадагы кемелер тууралуу компаниялар менен да байланышканын билдирди.
Маалыматта Сальвадор, Гондурас жана Венесуэла сыяктуу өлкөлөргө деңиз аркылуу жетүү бир нече күнгө созулуп, миллиондогон доллар чыгымга алып келиши мүмкүн экени белгиленди.
Ошондой эле мындай операция үчүн көп сандаган коопсуздук кызматкерлери талап кылынары, мигранттарды сапар учурунда кармоо жана кемелерде жаткыруу шарттары азырынча так эместиги да белгиленди.
