Украинанын президенти Владимир Зеленский Россиянын өлкөсүнө карата уланып жаткан чабуулдарына эл аралык жооптун жетишсиз болуп жатканын айтты.
Зеленский социалдык медиадагы постунда Россиянын Украинанын ар кайсы аймактарындагы чабуулдары тууралуу маалымат берди.
Киевде Россияга таандык "Шахад" дрондору сабак учурунда университетке кол салганын жана чабуул учурунда 160 студенттин баш калкалоочу жайда болгонун билдирди.
Зеленский түнкүсүн Одессанын бутага алынып, турак жай имаратына жана шаардын инфраструктурасына зыян келтирип, беш адам, анын ичинде бир баланын жаракат алганын айтты.
Херсондо орус күчтөрүнүн куткаруу топтору жана полиция бөлүмүнө кол салганын айткан Зеленский Харьков облусундагы чабуулдар миңдеген адамдарды электр жарыгысыз калтырып жана жаракат алганын билдирди.
Зеленский "Шахад" дрондорунун жана аба бомбаларынын коркунучунан улам өлкөнүн көптөгөн аймактарында чабуул жөнүндө эскертүүлөр уланып жатканын белгилеп, эл аралык коомчулуктун чабуулдарга болгон реакциясын сынга алды.
Украинанын лидери: "Тилекке каршы, дүйнөнүн жана эң таасирдүү лидерлердин Россиянын агрессиясынын күчөшүнө болгон реакциясы жетишсиз", - деп билдирди.
Зеленский Россия жана Иранда жасалган "Шахад" ракеталары 24 саат бою чабуул жасап жатканын билдирип, муну Украинанын гана көйгөйү катары кароого болбой турганын баса белгиледи.
Зеленский: "Украиналыктарга каршы ар бир чабуул чындыгында Орусиянын башка өлкөлөр жана башка элдер үчүн даярдап жаткан тактикасынын даярдыгы. Азыр аракетке өтүү керек. Жамандык өзүн көрсөткөндө, аны токтотуу керек", - деди.
Россияга кысым көрсөтүү жана Украинага колдоо көрсөтүү үчүн "чечкиндүү кадамдардын" зарылдыгын баса белгилеген Владимир Зеленский өнөктөштөрдүн эмне кылуу керектигин билерин белгиледи.
Зеленский Украинага абадан коргонуу системалары керек экенин, Россияга санкциялар киргизилиши керектигин жана коргонуу өнөр жайынын өндүрүшүн бир топ көбөйтүү керектигин билдирди.
