Армиянын жазуу жүзүндөгү билдирүүсүндө Воронеждеги заводго жогорку тактыктагы круиздик ракеталар менен кол салуу болгону маалымдалды.
Завод абадан коргонуу системалары үчүн ар кандай компоненттерди, негизинен баллистикалык жана круиздик ракеталарды чыгарары айтылган билдирүүдө, "Бул ишкана Орусиянын аскердик-өнөр жай комплексинин маанилүү элементи болуп саналат" деп сереп салынды.
Билдирүүдө ошондой эле орус армиясы Украинага каршы аба соккуларында ушул заводдо чыгарылган жана курамында электрондук компоненттери бар ракеталарды колдонору айтылды.
Орусия: Украинанын ракеталык чабуулунун натыйжасында Воронежде 3 адам жаракат алды
Воронеж облусунун губернатору Александр Гусев социалдык медиа аккаунтунда Украинага таандык "бир нече жогорку ылдамдыктагы аба бутасы" жок кылынганын билдирип, "3 адам жаракат алды. Алардын биринин абалы оор" деп кошумчалады.
Гусев чабуулдун натыйжасында Воронеждеги өндүрүш жайы жана бир нече көп кабаттуу үйлөр жабыркаганын билдирген.
Айрым социалдык медиа каналдары чабуул британиялык өндүрүштөгү "Storm Shadow" круиздик ракеталары менен жасалганын айтышкан.
