Грецияда мугалимдер менен бирге орто мектеп жана университет студенттери бүгүн кайрадан көчөгө чыгып, билим берүүгө көбүрөөк каражат талап кылышууда.
Нааразычылык акцияларынын алкагында, акысыз мамлекеттик билим берүүнү жактоо максатында Афина университетинин алдында митинг өткөрүлүшү пландаштырылууда.
Орто мектеп мугалимдеринин профсоюзу (OLME) мугалимдердин демонстрацияларга катышуусуна уруксат берүү үчүн жумушту төрт саатка токтото туруу чечимин кабыл алды. OLME басма сөз билдирүүсүндө: "Акысыз мамлекеттик билим алуу укугун, окуу мүмкүнчүлүгүн жана өздөрүнүн күтүүлөрүнө жооп берген жашоо укугун талап кылган студенттерибизди колдойбуз", - деп айтылды.
Студенттер жана мугалимдер инфраструктуранын жетишсиздигине, кызматкерлердин жетишсиздигине жана мектеп имараттарынын эскилигине каршы нааразычылык акциясын өткөрүп жатышат.
Нааразычылык акцияларында жашоонун кымбатчылыгы да сынга алынууда.
Грецияда 21-октябрда башталган нааразылык акцияларынын биринчи толкуну негизинен борбор калаа Афина менен өлкөнүн экинчи чоң шаары жана ири университет борбору болгон Салоникиде 10 миңден ашык адамды чогулткан.
TRT/AFP
