Италиянын оппозициялык “Беш жылдыз кыймылынын” лидери Жузеппе Конте бейшемби күнү Израилдин Газага жасаган чабуулдарынан улам кеңири курал эмбаргосун киргизүүгө чакырды.
"24 сааттын ичинде 100дөн ашуун адам өлдү. Эки жумада 300дөн ашуун бала каза болду", - деп деген Конте X (мурдагы Twitter) платформасында Израилдин саламаттыкты сактоо мекемелерин жана үйлөрүн бутага алууну улантып жатканын эске салды.
Конте Италия менен Европанын Израилдин премьер-министри Биньямин Нетаньяху өкмөтү тарабынан жасалган мыкаачылыкка унчукпагандыгын айтып, Европа Парламентинин позициясын сынга алып, бир гана "тынчсыздануу" билдирүүсүнүн "маанисиз" экендигин белгиледи.
201 – 2021 - жылдардын аралыгында премьер - министрлик кызматын аткарган 60 жаштагы саясатчы: «Израилге толугу менен курал эмбаргосу киргизилип, өкмөт жетекчилери менен колдоочуларына каршы оор экономикалык жана дипломатиялык санкция ишке кириши керек»,- деди.
Италиянын түндүгүндөгү Милан шаарында болсо жүздөгөн киши Газада палестиналык журналисттердин өлтүрүлүшүнө нааразычылык билдирүү үчүн митингге чыкты.
2023-жылдын октябрынан бери Израилдин Газага жасаган кол салууларында көбү аялдар жана балдардан турган 50. 500дөн ашуун палестиналык каза болду. Өткөн жылдын ноябрь айында Эл аралык Кылмыш Соту (ICC) Израилдин премьер-министри Нетаньяху менен мурдагы коргоо министри Йоав Галланттын Газада жасаган согуш кылмыштары жана адамзатка каршы кылмыштары үчүн камоо ордерин чыгарган.
Израиль өзгөчө Газадагы согушунан улам Эл аралык Сотто геноцид айыптоосу менен соттолууда.
