Түркия Республикасынын Коммуникация башкармалыгынын башчысы Бурханеттин Дуран президент Эрдогандын Ливиянын премьер-министри Абдулхамид Дибейбе менен телефон аркылуу сүйлөшүп, Ливиянын Башкы штабынын башчысы жана башка жогорку даражалуу аскер кызматкерлеринин Түркиядагы учак кырсыгында каза болушуна байланыштуу көңүл айтканын кабарлады.
Дуран: “Шаршемби күнү Абдулхамид Дибейбе менен телефон аркылуу сүйлөшүүсүндө Эрдоган Ливиянын Башкы штабынын башчысы генерал Мухаммед Али Аль-Хаддад жана аны коштоп жүргөн адамдардын учак кырсыгында каза болушуна байланыштуу көңүл айтты” деди.
Ички иштер министри Али Йерликая буга чейин шейшемби күнү Анкаранын Эсенбога аэропортунан Триполиге бара жаткан Falcon 50 учагынын калдыктары Анкаранын Хаймана районундагы Кесиккавактын түштүгүнөн болжол менен 2 чакырым алыстыкта жандармерия топтору тарабынан табылганын билдирген.
Ошондой эле учактын кара кутусу жана кабинадагы үн жазгыч шаршемби күнү эртең менен табылганын маалымдады.
Йерликая кырсыктын себебин аныктоо үчүн бул түзмөктөрдү текшерүү процесси башталганын кошумчалады.
Кырсыктан кийин Ливиянын Улуттук Биримдик өкмөтү үч күндүк улуттук аза күтүү жарыялады.
