Израилдик булак Американын CNN каналына берген маегинде Ирандагы энергетикалык инфраструктура жана жогорку даражалуу ирандык жетекчилердин бутага алынышы мүмкүн экенин белгилеп :"Максат - сүйлөшүүлөрдө Иранды көбүрөөк жеңилдиктерге барууга мажбурлоону көздөгөн кыска мөөнөттүү аскердик операцияны ишке ашыруу", - деди.
Израилдик булак аталган пландын негизги бөлүгү өткөн айдагы ок атышууну токтотуу келишимине чейин даярдалганын айтып, чабуулдардын башталышы АКШ президенти Дональд Трамптын акыркы чечимине көз каранды экенин белгиледи.
АКШнын Ормуз кысыгына багытталган "Эркиндик долбоору"
АКШ президенти Дональд Трамп 4-майдан тарта Ормуз кысыгында калып калган жана Жакынкы Чыгыштагы кризиске тиешеси жок «бейтарап» өлкөлөргө таандык кемелердин кысыктан өтүшүнө жардам бере баштай турганын жарыялап, муну «Эркиндик долбоору» деп атаган.
Эч бир өлкөнүн атын атабаган Трамп, аталган мамлекеттер үчүн «Жакынкы Чыгышта болуп жаткан окуяларга эч кандай тиешеси жок дүйнөнүн ар кайсы аймактарынан келген өлкөлөр» деген сөздөрдү колдонуп, операциянын көбүнчө гуманитардык максатта жүргүзүлөрүн белгилеген.
АКШнын Борбордук командирлиги (CENTCOM) да бул процесске 15 миң аскер кызматкеринен тышкары, 100дөн ашык кургактык жана деңиз техникалары, ошондой эле башкарылуучу ракеталык эсминецтер менен аскердик колдоо көрсөтүлөрүн жарыялаган.
Ормуз кысыгындагы чыңалуу
Ирандын Ормуз кысыгынан өтүүгө аракет кылган жана Жаск аралына жакын жерде деңиз кыймылына коркунуч келтирүү менен айтылган АКШ деңиз флотуна таандык кемени 2 ракета менен бутага алганы билдирилген.
Ирандын жарым расмий «Тасним» маалымат агенттигиндеги кабарда Иран армиясынын АКШ флотунун кемесин бутага алуусуна тиешелүү маалыматтар бөлүшүлгөн.Макалада аталган АКШ кемеси радарын өчүрүп Ормуз кысыгына жакындап көргөнү, радарын кайра күйгүзгөндө аны байкап калышканы жазылган.
Иран тарабынан АКШ кемесине "ок атышууну токтотууну бузду" деген эскертүү билдирүүлөрү жөнөтүлгөнү, кеме эскертүүлөргө көңүл бурбагандыктан Иран армиясы кеменин айланасына эскертүү иретинде канаттуу ракета, учкучсуз учуучу аппарат (УУА) жана ракета учурганы белгиленген.
АКШнын Борбордук командирлиги (CENTCOM) болсо Ирандын АКШ аскердик кемесине 2 ракета менен кол салгандыгы тууралуу дооматтарды негизсиз деп четке каккан.
