Түндүк Кипр Түрк Республикасынын Тышкы иштер министрлиги АКШнын Түштүк Кипр Рум Башкаруучулугуна (ТКРБ) курал-жарак эмбаргосун узартуу чечимине байланыштуу билдирүү жарыялады.

Билдирүүдө, аймакта жана айрыкча Жакынкы Чыгыштагы олуттуу чыр-чатактар ​​жана сезимтал окуялар менен белгиленген бул маанилүү мезгилде Чыгыш Жер Ортолук деңизиндеги назик тең салмактуулукту эске алып, аймакта тынчтыкка жана бейпилдикке салым кошкон кадамдарды жасоонун маанилүүлүгү баса белгиленип: «АКШ администрациясынын бул чечимине болгон терең өкүнүчүбүздү коомчулук менен бөлүшкүбүз келет», - деп айтылган.

Билдирүүдө аралдагы жана аймактагы чындыктарды этибарга албаган, Кипр түрк элин көрмөксөнгө салган жана куралдануу тенденцияларын козгой турган кадамдардан алыс болуунун зарылдыгы баса белгиленип: 

«Биз бардык тиешелүү эл аралык тараптарды Чыгыш Жер Ортолук деңизинин тынчтыгына жана туруктуулугуна салым кошууга жана аралда эки өзүнчө мамлекет жана эки өзүнчө эл бар экенин эске алуу менен адилеттүү жана тең салмактуу саясат жүргүзүүгө чакырабыз»,-деп айтылды.

Билдирүүдө Түндүк Кипр Түрк Республикасы ар дайымкыдай эле өзүнүн негизги мекени Түркия Республикасы менен бекем кызматташтыкты жана тилектештикти сактай турганы жана Кипр түрк элинин коопсуздугун жана кызыкчылыктарын коргоо үчүн бардык зарыл кадамдар чечкиндүү түрдө жасала турганы белгиленди.