Марван Баргутиге каршы олуттуу чабуулдар тууралуу айыптоолордон жана аны бошотуу боюнча эл аралык чакырыктардын көбөйүшү менен Палестиналык туткундар ассоциациясы Израиль абагында палестиналык лидерди өлтүрүү боюнча "коркунучтуу кутум" тууралуу эскертти.
Уюмдун башкы директору Амжад ал-Нажжар жума күнү жасаган билдирүүсүндө: «Марван Баргутиге каршы кол салуулардын күчөшү жана эл аралык коомчулуктун жана айрым адамдардын аны тез арада бошотуу чакырыктары оккупациялык өкмөттүн аны камакта отурганда жок кылуу боюнча кооптуу ниеттерин чагылдырат. Бул андан да оор кылмыш жана эл аралык гуманитардык укукту ачык бузуу»,- деди.
Ал-Нажжар БУУ жана эл аралык уюмдарды "шашылыш чараларды көрүүгө" жана "лидер Баргутини зыярат кылуу үчүн комитет жөнөтүүгө, камерадагы шарттарын карап чыгууга жана кеч болуп кала электе анын бошотулушун камсыз кылуу жана өмүрүн сактап калуу үчүн реалдуу кысым көрсөтүүгө" чакырды.
ФАТХтын Борбордук Комитетинин мүчөсү жана Палестина саясатындагы көрүнүктүү инсан Баргути 2002-жылы Израиль тарабынан камакка алынып, киши өлтүрүү жана киши өлтүрүүгө аракет кылуу боюнча соттолгон. Беш өмүр бою эркинен ажыратылган Баргути палестиналыктардын арасында кадыр - барктуу адам.
Үй-бүлөсү Баргутинин зомбулукка учураганын айтууда
Камактагы лидердин уулу Касем Баргути Facebook баракчасына мурдагы туткундардын бири ага Израил күчтөрүнүн "атасынын денесин эзип, тиштерин, кабыргаларын жана манжаларын сындырып, кулагынын бир бөлүгүн кесип салышканын" айтканын жазган.
Касем Баргути бул булакка жетүү аракеттеринин ийгиликсиз болгонун айтып : “Кандайдыр бир маалымат алуубузга жардам берүү үчүн колубуздан келген бардык расмий жана мыйзамдуу мекемелер менен байланыштык бирок ушул кезге чейин ийгиликтүү боло абадык”,- деп жазды.
Палестина Президенттиги тарабынан берилген жооп
Палестина Президенттиги Баргуттиге карата «уланып жаткан кол салууларды жана коркунучтуу жооп кайтаруу чараларын” айыптап, Израиль өкмөтүн Баргутинин жана Израилдин колундагы бардык туткундардын коопсуздугунан толугу менен жана түздөн - түз жооптуу экендигин айтты.
Э аралык коомчулукту, адам укуктары уюмдарын жана Эл аралык Кызыл Крест Комитетин Израилдин эреже бузууларды токтотуусуна басым жасап, «дароо жана чукул түрдө аракет кылууга” чакырды.
Мурдагы коркутуулар жана саясий кызыкчылыктар
Ошол кездеги Израилдин маалымат каражаттары жарыялаган видеого ылайык, Израилдин ашынган оңчул Улуттук коопсуздук министри Итамар Бен-Гвир 18-февралда Баргутинин камерасына рейд жүргүзүп ага өлүм жазасын берүү менен коркуткан.
Аналитиктер, өзгөчө Израилдин Газадагы кыргындан кийинки өзгөрүүлөрдүн ортосунда Баргутини палестиналыктарды “эки мамлекеттүү чечим” идеясынын айланасында бириктире ала турган бириктирүүчү фигура катары көрүшүүдө.
Нетаньяху өкмөтү көз карандысыз Палестина мамлекетинин түзүлүшүнө каршы чыгууну улантууда.
АКШ президенти Дональд Трамп 23-октябрда Баргутинни бошотуу тууралуу кысым жасап же жасабай тургандыгына байланыштуу чечим чыгарарын айткан бирок азырынча эч кандай чечим жарыялана элек.
Палестиналык жана израилдик адам укуктары уюмдарынын билдирүүлөрү боюнча Израиль түрмөлөрүндө ичинде аялда менен балдар да болгон 10 000ден ашык палестиналык туткун бар жана "кыйноолорго, ачкачылыкка жана медициналык кароосуздукка" дуушар болушууда.
