Түркия террорсуз келечек куруу темасындагы жалпы чечкиндүүлүгүн күчтөндүрүү менен террорго каршы күрөштө чечүүчү жаңы этапка кирди.

Түркиянын Коммуникация башкармалыгынын башчысы Фахреттин Алтун дүйшөмбү күнү X аккаунтунда, ПККнын куралсыздануу жана өзүн-өзү таркатуу жарыясы президент Режеп Таййип Эрдогандын жетекчилиги астында жетишилген ийгиликтердин ачык далили экенин билдирди.

Алтун бул жагдайдын «Террорсуз Түркия» процессинде маанилүү кадам болгонун жана ушул кадамга жол көрсөткөн улуттук чечкиндүүлүктү бекемдегенин айтты.

"Түркия 40 жылдан ашуун убакыт бою чоң курмандыктарга барды," - деген Алтун, “Ушул күнгө жетүү үчүн теңдешсиз аракеттерди жасаган кымбаттуу шейиттерибиздин ар бирин ырайым жана ыраазычылык менен эскеребиз» деп кошумчалады".

Тынчтык, туруктуулук жана адилеттүүлүк

Алтун «Террорсуз Түркия» процессинин кыска мөөнөттүү бир демилге эмес экенин жана бир күндө бүтпөй турганын ачык билдирди. Бул бардык жарандар үчүн тынч, туруктуу жана зомбулуксуз чөйрөнү камсыз кылууга багытталган узак мөөнөттүү аракет экенин айтты.

Түрк мамлекети өзүнүн тажрыйбасы, мүмкүнчүлүктөрү жана мекемелик маалыматы менен тынчтык, туруктуулук жана адилеттүүлүктү камсыз кылуу үчүн тынымсыз иштей турганын ырастады.

Бул процесстин так улануусун камсыз кылуу үчүн зарыл чаралар көрүлөрүн жана ар бир кадамдын айкындык, кылдаттык жана бекем чечкиндүүлүк менен жасаларын баса белгиледи.

Президент Эрдогандын жетекчилиги

Алтун түрк элинин маанилүү колдоосуна басым жасап: «Урматтуу улутубуз да бул процессте мамлекетибиз, өкмөтүбүз жана президентибиз көрсөткөн саясий эркти колдой турганын ар бир мүмкүнчүлүктө көрсөтүүдө»,-деди.

Процесстин инклюзивдүү жана биримдиктүү мүнөзүнө токтолгон Алтун Республикалык Элдик Партиясынын төрагасы Девлет Бахчелинин бул этапты баштоо чакырыгына ыраазычылыгын билдирди жана процессти алдыга жылдырганы үчүн президент Эрдогандын лидерлигин мактады.

Алтун бул процесс Түркия үчүн гана эмес, кеңири аймак үчүн да туруктуу тынчтык жана оң натыйжаларды алып келет деген үмүтүн билдирди.