Коопсуздук булактары Түркия Республикасынын Улуттук Чалгындоо Уюмунун төрагасы Ибрахим Калын шейшемби күнү АКШнын президенти Дональд Трамптын Газадагы тынчтык планын талкуулоо үчүн Катарга барганын билдирди.
Булактардын билдиргенине караганда Калын Катар, АКШ жана Египеттин ортомчулугунда Хамас жана Израилдин ортосунда уланып жаткан сүйлөшүүлөргө катышкан тараптар менен жолугушат. Сүйлөшүүлөрдүн негизги темасы Трамптын Палестина аймагындагы согушту токтотууга карата сунуштаган планы болот.
Катардын Тышкы иштер министрлигинин басма сөз катчысы Мажид аль-Ансари Дохадагы маалымат жыйынында Түркиянын кеңири план боюнча талкууларга катыша турганын айтты. Өзгөчө Катар, Египет жана Түркиянын аракеттеринин координациялуу түрдө жүргүзүлөрүн, кагылышууну токтотууга карата биргелешкен аракеттин көрсөтүлөрүн баса белгиледи.
Трамп дүйшөмбү күнү Вашингтондо геноцидчи Нетаньяху менен өткөргөн биргелешкен пресс - жыйында Газа ок атышпоо планынын негизги пункттарын билдирди.
20 пункттан турган план бардык израилдик туткундар менен палестиналык туткундардын да бошотулушун, Палестинанын "Хамас" каршылык көрсөтүү тобунун куралсыздандырылышын жана аймакты убактылуу башкаруу үчүн Палестина комитетин түзүүнү камтууда.
