Түркия Республикасынын негиздөөчүсү, Улуу жол башчы Мустафа Кемал Ататүрктүн каза болгонунун 88 жылдыгына карата Аныткабирде мамлекеттик азем өткөрүлүп, эскерилди.
Анткабирдеги азем саат 08:45те мамлекеттик кызматкерлердин Арстан жолу менен жүрүшү менен башталды.
Президент Эрдоган Ататүрктүн күмбөзүнө кызыл жана ак гвоздикалардан жасалган жарым ай жана жылдыз гүлчамбарын койду.
Ататүрктүн 88 жыл мурун каза болгон күнү саат 09:05те бир мүнөттүк жымжырттык сакталып, андан кийин Мамлекеттик гимн ырдалды.
Жымжырттык учурунда желек мамычасындагы түрк желеги жарым-жартылай түшүрүлдү.
Президент Эрдоган Аныткабир атайын дептерине төмөнкүлөрдү жазган:
«Урматтуу Ататүрк, түбөлүктүүлүккө өткөнүңүздүн 88 жылдыгында сизди, куралдаш досторуңузду, Көз карандысыздык согушун жетектеген жана башкарган Улуу Улуттук Гази Жыйыныбыздын урматтуу мүчөлөрүн, улутубуздун түбөлүктүү мөөрү болгон шейиттерди жана улутубуз үчүн оор баа төлөгөн ардагерлерибизди ырайым жана ыраазычылык менен эскеребиз.
Аймагыбыз жана дүйнө кризистер менен күрөшүп жаткан бул оор мезгилде, 86 миллион жараны бар Түркия Республикасын гүлдөп-өнүккөн келечекке алып баруу үчүн бардык ресурстарыбызды мобилизацияладык. Улутубуз менен максат жана идеалдардын биримдигинде, биз бул бейиш мекенибизди, шейиттердин жана ардагерлерибиздин ыйык аманатын кайра жандандыруу үчүн чечкиндүү түрдө улантабыз. Жаныңыз жайлуу болсун».
