Президент Режеп Таййип Эрдоган Түркиянын улуттук коргонуу долбоорлорун "тез" илгерилетип, Европадагы өнөктөштөрү менен "өз ара пайдалуу болуу" принцибиндеги коргонуу кызматташтыгын күчөтөрүн билдирди.
Эрдоган дүйшөмбү күнү Анкарада министрлер кабинетинин жыйынын жетектегенден кийин өткөргөн маалымат жыйынында: "Жергиликтүү жана улуттук коргонуу долбоорлорубузду тез арада ишке ашырып жатып, европалык өнөктөштөрүбүз менен коргонуу жаатындагы кызматташтыгыбызды эки тарапка тең пайдалуу негизде бекемдейбиз", - деди.
Өлкөнүн коргонуу долбоорлоруна токтолгон Эрдоган жергиликтүү аскердик учак KAANдын белгиленген график боюнча Түркиянын аба күчтөрүнүн инвентарына киргизилерин айтты.
"HURJET өз тармагында лидерликке умтулуп жаткандай эле, бардык процесстер аяктаганда, KAAN дагы өз категориясында эң жогорку деңгээлге жетүүгө аракет кылат," - деп кошумчалады Эрдоган.
Террордон тазаланган өлкө куруу аракеттерине токтолгон Эрдоган Түркиянын жана башка коңшу өлкөлөрдүн жерлеринде террорду каалабагандыгын баса белгиледи жана мамлекеттин террорго каршы көптөгөн жылдардан бер жүргүзүп келе жаткан күрөшүн эске салды.
