Түркиянын президенти Режеп Таййип Эрдоган 18-октябрь ишемби күнү Азербайжанды Эгемендүүлүк күнү менен куттуктады.

Түркиянын социалдык медиа платформасы NSosyal баракчасына билдирүү жасаган Эрдоган: «Кымбаттуу досубуз, бир тууганыбыз жана сүйүктүү Азербайжаныбызды 18-октябрь Эгемендүүлүк күнү менен чын жүрөктөн куттуктайм. Бул сыймыктануу күнүндө урматтуу бир тууганым Илхам Алиев жана Азербайжан элине саламымды жолдойм»,-деди.

Түркиянын Коммуникация башкармалыгынын башчысы Бурханеттин Дуран өзүнчө билдирүүсүндө Анкаранын Баку менен бирге болуп, «бир улут, эки мамлекет» принцибин коргогону үчүн сыймыктанганын билдирди.

Түркиянын Тышкы иштер министрлиги да NSosyal аркылуу куттуктоосун бөлүшүп: «Биздин шериктешибиз жана боордош Азербайжандын Эгемендүүлүгүнө ээ болушунун 34 жылдыгы кут болсун»,-деди.

Түркиянын Улуттук Коргоо министрлиги да NSosyal платформасында жарыяланган билдирүүсүндө «Бир улут, эки мамлекет» принцибинин негизинде Баку менен биримдик жана тилектештикте болууну уланта тургандарын белгилеп, Азербайжанды куттуктады.

Азербайжанда 1991-жылы 18-октябрда «Мамлекеттин көз карандысыздыгы жөнүндөгү» Конституциялык мыйзам  кабыл алынган күн болгон 18-октябрда Эгемендүүлүк күнү белгиленүүдө. Бул мыйзам менен Азербайжан 1918-1920-жылдар арасында болгон Азербайжан Демократиялык Республикасынын мураскери катары эгемендигин жарыялаган.

Түркия 1991-жылдын 9-ноябрында Азербайжандын эгемендүүлүгүн тааныган биринчи өлкө болгон.