Он өлкөнүн тышкы иштер министрлери биргелешкен билдирүү жасап, Ливандагы кырдаалдан улам тынчсыздануусун билдирип, согуштук аракеттерди тез арада токтотууга жана саясий диалогго кайтууга чакырышты.
Министрлер: "Биз Ливанды аймактык чыңалууну басаңдатуу аракеттерине кошууну жана бардык тараптардын туруктуу саясий чечимге жетишүүсүн каалайбыз", - деп билдиришти.
Министрлер Ливандагы согуштун уланышынын "бардык тараптар толугу менен сыйлашы керек болгон" аймактагы чыңалууну басаңдатуу аракеттерине коркунуч келтирип жатканын эскертишти.
Ошондой эле, министрлер Израиль менен түз сүйлөшүүлөрдү баштоо демилгесин жана Израилдин АКШнын ортомчулугу астындагы сүйлөшүүлөргө катышууга макулдук бергенин кубатташты.
Билдирүүдө: "Биз эки тарапты тең бул мүмкүнчүлүктү пайдаланууга чакырабыз", — деп айтылып, түз сүйлөшүүлөр Ливан, Израиль жана жалпы аймак үчүн туруктуу коопсуздукту камсыз кылууга жардам берери баса белгиленди.
Министрлер бардык тараптарды "тез арада чыңалууну басаңдатууга жана АКШ менен Ирандын ортосундагы ок атышууну токтотуу келишими берген мүмкүнчүлүктү пайдаланууга" чакырышты.
Министрлер Ливан бийлигинин маалыматтарына таянуу менен, Израилдин 8-апрелде Ливанга жасаган, 350дөн ашуун адамдын өмүрүн алып, 1000ден ашуун кишинин жаракат алышына себеп болгон кол салууларын айыпташты.
Билдирүүдө: "Жараат алган жарандар жана жарандык инфраструктура эл аралык гуманитардык укукка ылайык корголушу керек", — деп айтылат.
БУУнун тынчтык күчү миссиясына жасалган кол салуулар да айыпталган билдирүүдө "БУУнун тынчтык күчү миссиясынын коопсуздугу ар дайым камсыз кылынышы керектиги" баса белгиленди.
Министрлер Ливан элине жана бийлигине "толук тилектештигин жана туруктуу колдоосун" билдирип, Ливандагы бир миллиондон ашык жер которгон адамдарга чукул жардам көрсөтүүгө даяр экендиктерин айтышты.
Билдирүүдө Ливандын аймактык бүтүндүгүнө жана эгемендүүлүгүнө сый көрсөтүүнүн мааниси дагы бир жолу ырасталып, БУУнун Коопсуздук Кеңешинин 1701-сандуу резолюциясын толук ишке ашырууга чакырык ташталды.
Андан сырткары, билдирүүдө Ливан өкмөтүнүн Хизбулланын аскердик аракеттерине тыюу салуу жана курал-жарак монополиясын сактоо менен мамлекеттик бийликти күчөтүү чечими кубатталды.
