Түркиянын Коммуникация башкармалыгынын башчысы Бурханеттин Дуран жекшемби күнү Сирияда жетишилген "ок атышууну токтотуу жана толук интеграция келишимин" президент Режеп Таййип Эрдоган көптөн бери баса белгилеп келген "террордон арылтылган аймак" түзүү максатына карай маанилүү кадам катары сыпаттады.
NSosyal социалдык медиа платформасындагы билдирүүсүндө Дуран: "Келишимдин шарттарынын аткарылышы кылдат байкоого алынат", - деп билдирип бул окуялар кокустук эмес экенин, президент Эрдоган көптөгөн жылдардан бери айтып келе жаткан принциптердин жана эскертүүлөрдүн чагылышы экенин маалымдады.
Сириядагы туруктуулук бардык этникалык жана сектанттык топтордун укуктарын бирдей жарандыктын негизинде кепилдөөгө байланыштуу экенин айткан Дуран: "Жеринин бүтүндүгүн сактап калган жана террористтик уюмдардан тазаланган Сирия аймактык тынчтыктын ачкычы болуп саналат. Сирия өкмөтүнүн бул жааттагы кадамдары жана аракеттери маанилүү” деп кошумчалады.
Түркиянын согуш талаасында да, сүйлөшүү үстөлүндө да күчтүү актер экенин баса белгилеген Дуран; террордук уюмдарга каршы операциялар Түркиянын чек араларында коопсуз аймак түзүүгө жардам бергенин, дипломатиялык аракеттер болсо Сириянын келечегин калыптандыруучу процесстерди колдоп жатканын айтты.
Дуран: «Сириянын аймактык бүтүндүгү жана эгемендиги Түркия үчүн абдан маанилүү», - деп билдирип Анкара кошунасынын коопсуздугун өзүнүн коопсуздугунан бөлбөй турганын жана тынчтыкты принцип, ал эми туруктуулукту максат деп эсептей турганын кошумчалады.
