15-июлдагы төңкөрүш аракетинен бери он жыл өттү. Ошол түнү Фетуллахчы террордук уюмдун (ФЕТӨ) мүчөлөрү Түркия Республикасынын бийлигин басып алуу үчүн чабуул башташкан. Улуттун курал-жарактары улутка каршы багытталды. Согуштук учактар жана тик учактар жарандарды бутага алды. Түркиянын Улуу Улуттук Парламенти бомбаланды. Мамлекеттик мекемелерге кол салуу болду. Тарыхындагы эң чоң чыккынчылыктардын бирине туш болгон Түркия тарыхындагы эң күчтүү демократиялык каршылыктардын бирин да көрсөттү. Миллиондогон жарандар демократияны жана мамлекетти коргоо үчүн көчөлөргө чыгышты. Элдин эркине каршы башталган төңкөрүш аракети элдин каршылыгынын аркасында ишке ашкан жок. Сериалдын бул бөлүгүндө биз 15-июлдун түнүндөгү окуяларды, төңкөрүш аракетинин маанилүү бурулуш учурларын жана улуттун дастанга айланган каршылык көрсөтүүсүн журналист/жазуучу Юсуф Алабарда менен талкуулайбыз.
