Түркия БУУнун Деңизчилик кеңешине кайрадан шайланды
Түркиянын тышкы иштер министрлиги Анкаранын деңиз коопсуздугу, деңизчилик жана порт кызматтарындагы ишенимдүү ролунун бул шайлоонун оң жыйынтыгы менен дагы бир жолу баса белгиленгендигин билдирди.
Тышкы иштер министрлиги Түркиянын Бириккен Улуттар Уюмунун Эл аралык деңиз уюмунун (IMO) кеңешине кайрадан шайланганын жарыялады.
Министрлик жума күнү берген билдирүүсүндө жыйынтыктын Түркиянын деңиз коопсуздугу, айлана-чөйрөнү коргоо, эл аралык кеме транспорту жана порт кызматтары боюнча активдүү жана ишенимдүү ролун көрсөткөндүгүн белгиледи.
"Түркия деңизчилик тармагындагы көп тараптуу кызматташтыкка конкреттүү салым кошууну улантат", - деп айтылган билдирүүдө, Түркия биринчи жолу талапкерлигин койгон 1999-жылдан бери Эл аралык деңиз уюмунун кеңешинде үзгүлтүксүз түрдө өкүлчүлүк кылууга жетишкендиги белгиленди.
Бириккен Улуттар Уюмуна караштуу болгон Эл аралык деңиз уюмунун 34 - Башкы ассамблеясы Лондондо 3-декабрга чейин уланат.