Жети түрк-америкалык уюмдар Конгресстин мүчөлөрүнө кат жөнөтүп, аларды Түркияга F-35 согуштук учактарын сатууну колдоого чакырды.

Катта: “Болжол менен 75 жылдан бери НАТО союздашы болгон жана коопсуздук менен дипломатия тармагында алдыңкы орунда турган өнөктөш катары Түркия Республикасынын АКШнын коргонуу системаларына жеткиликтүүлүгүн улантуу Американын негизги стратегиялык кызыкчылыктарына кызмат кылат. Ошондуктан, АКШнын F-35 согуштук учактарын сатууну колдоп, бул кызматташтыктын алдындагы ашыкча санкцияларды жана тоскоолдуктарды жоюуну суранабыз",- деген сөздөр орун алды.

Катта өзгөчө: “Бул сатууларды колдоо НАТОнун тилектештигине, аймактык туруктуулукка жана чыныгы мааниде барган сайын баа берилип жаткан эки тараптуу мамилелерге инвестиция болуп саналат. Сиздердин колдооңуздарды күтөбүз жана бул маселени кененирээк талкуулоо мүмкүнчүлүгүн кубаныч менен кабыл алабыз», - деп айтылды.

"Конструктивдүү аймактык актёр"

Катта Инжирлик аба базасы менен бирге Түркиядагы АКШ базаларынын ДЕАШты жок кылууда “баш тартылгыс” экендиги айтылды.

Ошондой эле, уюмдар Түркиянын "аймактык туруктуулукка конструктивдүү салым кошкон актер" экенин белгилешти. Бул контекстте Анкаранын Орусия-Украина согушундагы ортомчулук ролу жана Сириядагы турукташтыруу аракеттерине кошкон салымы мисал катары келтирилди.

Кат июль айында Конгресстин 50дөн ашык мүчөсүнө таратылган.