Канаданын премьер-министри Марк Карни Британия Колумбиясынын алыскы Тамблер-Ридж шаарчасындагы убактылуу эстеликке гүлчамбар койду. Акыркы маалыматтарга ылайык, мектептеги кол салуудан сегиз адамдын каза болгону ортого чыкты.

Жума күнү Карни шейшемби күнү Тамблер-Ридж орто мектебиндеги кол салуудан кийин улуттук тилектештиктин белгиси катары оппозиция лидерлери менен бирге кенчилер шаарчасына барды. Бул окуя Канаданын соңку тарыхындагы эң катуу зомбулук фактыларынын бири катары катталды.

Полиция кол салуучунун 18 жаштагы Жесси Ван Рутселар экендигин аныктады.

Королдук атчан полициясы анын "аңчылык кылып жатканын" жана "белгилүү бир кишиге карата атайын бутага алуу болбогонун" билдирди.

Тергөө маалыматтарына караганда, Ван Рутселар үйлөрүндө 39 жаштагы апасын жана 11 жаштагы өгөй инисин өлтүргөндөн кийин мектепке барды; ал жерде беш окуучуну жана бир мугалимди атып өлтүрдү жана андан кийин өз жанын кыйды.

'Кечирилгис зордук-зомбулук'.

Өзүнчө жашаган атасы Жастин Ван Рутселар CBCге берген билдирүүсүндө бул “маанисиз жана кечирилгис зордук” үчүн» көңүл айтканын билдирди.

“Жооптуу кишинин биологиялык атасы катары сөз менен айтып жеткире алгыс кыйын абалда турам”,- деди.

Полиция шектүүнүн сүрөтүн жарыялап, психикалык саламаттык көйгөйлөрүнүн бар экенин тастыктады.

Карни Ванкуверден болжол менен 1180 километр түндүктө жайгашкан Тамблер Ридж шаардык мэриясынын алдында өтө турган эскерүүдө сөз сүйлөй турганы күтүлүүдө.

Болжол менен 2 400 тургуну бар бул шаарча аза күтүүдө, курман болгондордун үй-бүлөлөрү эскерүүлөрүн бөлүшүүдө.

Карни буга чейин парламентте «бул балдар менен мугалимдери эч болбогон зомбулукка күбө болушту» деген.

Кол салуудан кийин Мюнхендеги Коопсуздук конференциясына катышуу пландарынан баш тартты.