АКШ Президенти Дональд Трамп менен Анкарада өткөргөн жолугушуусуна токтолгон Президент Эрдоган: "Ардактуу досум (Трамп) менен Анкарада жолугушуу бизге өзгөчө бир күч кошту. Бул иш-сапардын канчалык маанилүү экенин өзгөчө белгилеп кетким келет", — деди.
Аймактык туруктуулукка багытталган дипломатиялык аракеттер тууралуу билдирген Эрдоган: «Биз Иран менен Американын ортосундагы мамилелерди жакшы деңгээлге жеткирүүгө аракет кылып жатабыз. Колубуздан келгендин баарын жасап, дүйнөлүк тынчтыкка карай кадам таштоого аракет кылуудабыз», - деди.
Газадагы кырдаал жана аймактык тынчтык боюнча билдирүүлөрдү берген президент Эрдоган: «(Газа) Урматтуу досум (Трамп) менен сүйлөшүү менен биз аймакта тынчтыкты камсыз кылуу үчүн бул Лидерлердин саммитине чоң маани беребиз», - деди.
«F-35 маселеси биз үчүн жаңы тема эмес»
Эрдоган F-35 процесси тууралуу баа берип жатып: «F-35 маселеси биз үчүн жаңылык эмес жана биз муну мурда Америка менен талкуулаганбыз жана 5 учак боюнча убада алганбыз», - деди. Саммиттен күтүүлөрү тууралуу токтолгон Эрдоган: «Мен бул Лидерлер саммитинен F-35 боюнча оң чечим чыгарына ишенем», - деди.
«Россия-Украина окуяларына жараша кадам таштайбыз»
Жолугушууда карала турган башка бир маселелерге да токтолгон Эрдоган : “Трамп менен биз Россия - Украина ортосундагы абалдарды да урматтуу досум менен бул жерде бөлүшөбүз, сүйлөшөбүз жана ошого жараша да кадамдарыбызды таштайбыз”,- деди.
«Саммиттен күчтүү жыйынтык чыгарабыз»
Акыркы болуп, НАТОнун ичиндеги өнөктөштүктүн маанисин баса белгилеген президент Эрдоган сөзүн: «НАТОдогу эки маанилүү өлкө катары биз Лидерлер саммитинен тилектештикте күчтүү натыйжа алууну камсыздайбыз жана бул иште ийгиликке жетебиз деп ишенебиз», - деп жыйынтыктады.
