Россиянын абадан коргонуу системалары ишемби күнү эртең менен Москваны көздөй бараткан Украинанын үч дронун атып түшүрдү. Москва шаарынын мэри Сергей Собянин Telegram каналы аркылуу билдирүүсүндө, атып түшүрүлгөн дрондордун сыныктары окуя болгон жерде иликтенип жатканын айтты.
Россиянын Коргоо министрлиги түштүк аймактарда жана Крымда үч сааттын ичинде 38 дронду тосуп, жок кылганын маалымдады.
Украинанын атайын күчтөрү Покровск шаарына жайгаштырылды
Ошол эле учурда, эки украиналык аскердик булак жергиликтүү маалымат каражаттарына берген билдирүүдө Покровск шаарына атайын күчтөрдүн жөнөтүлгөнүн айтты. Орус күчтөрү Украина бөлүктөрүн курчоого алганын айтууда.
Элиталык бөлүктөрдүн Украинанын аскердик чалгындоо кызматынын башчысы Кирилл Будановдун көзөмөлүндө, орус дрондорунун тыкыр көзөмөлү астында Black Hawk тик учагы менен аймакка жеткирилди. Покровск маанилүү транспорттук түйүн катары Россиянын Донецк облусун толук көзөмөлгө алуу аракеттеринен улам чоң кагылышуунун очогуна айланды.
Украинанын президенти Владимир Зеленский түнкү кайрылуусунда бул кагылышууга токтолуп;: “Баскынчыларды жок кылууну улантабыз. Эң негизгиси – орус чабуулдарын мүмкүн болгон бардык жерде токтотуу,” – деди.
