Бекаи телекөрсөтүү программаларынын бирине катышып, Америка Кошмо Штаттары менен жүргүзүлүп жаткан сүйлөшүүлөр боюнча билдирүү жасады.

АКШ менен жүрүп жаткан сүйлөшүү процесси улантылып жатканын, азырынча келишимге жакын деп айтуунун мүмкүн эмес экенин белгилеген Бекаи, өз өлкөсү менен АКШнын ортосунда терең пикир келишпестиктердин бар экенин айтып: “Бир нече сапар, бир нече жума же бир нече ай ичинде өткөрүлгөн сүйлөшүүлөр менен так бир жыйынтыкка жетүү мүмкүн эмес”,- деди.

Бекаи дипломатиянын убакытты талап кылаарын жана аны алдыга жылдыруу үчүн ар бир мүмкүнчүлүктү пайдалануу керектигин айтып, сүйлөшүүлөрдүн учурдагы багыты согушту токтотуу экенин жана ядролук маселелердин бул этапта каралбай жатканын эске салды.

Бекаи аймактагы бардык фронттор менен бирге Ливанда да согушту токтотуунун маанисин баса белгилеп, Ормуз кысыгы жана АКШ тарабынан киргизилген деңиз блокадасынын азыр да талкууланып жатканын айтты.

Бекаи сүйлөшүүлөрдө байытылган уран маселесин чечүү тараптарды бир жыйынтыкка алып келбесин айтып, буларды кошумчалады: "Себеби түшүнүктүү. Биз мурда да ушундай жол менен келгенбиз жана пикир келишпестиктер ушунчалык чоң болгондуктан, макулдашууга жетише алган жокпуз. Экинчи тарап өзүнүн акылга сыйбаган талаптарынан улам акыры сүйлөшүү столунун таркашына жана Иранга чабуул коюуга алып келди".

Бекаи ошондой эле АКШнын ашыкча талаптарды коюп жатканын жана аларды айтуу үчүн ар бир мүмкүнчүлүктү колдонуп жатканын кошумчалады.