АКШнын деңиз күчтөрүнүн Ирандын бул стратегиялык суу жолуна карата чектөөлөрүнө каршы блокадасы улантылууда жана Ормуз кысыгында кеме кыймылы уланууда.
Дүйшөмбү күнү Иранда жергиликтүү убакыт боюнча саат 17:30да (14:00 GMT) блокада башталгандан бери, 14 кеме булуңга кирип, 7 кеме кысыктан чыгып кеткен.
«Анадолу» агенттигинин тиешелүү булактардан алган статистикалык маалыматтарына ылайык, шейшемби күнү Гринвич убактысы боюнча саат 20:10го карата жалпысынан 25 кеме кысыктан өткөн, ал эми 13 кеме кысыкта калган.
Төртөө танкер болгон бул кемелердин арасында Либерия желектүү «Christianna» кургак жүк ташуучу кемеси, АКШнын санкцияларына кабылган «Rich Starry» жана «Murlikishan» мунай танкерлери, ошондой эле Панаманын желеги астындагы «Peace Gulf» кемеси бар.
Бул төрт танкер кысыктан өттү, бирок Гвадар булуңу жана Рас-эль-Хадд аркылуу өткөн АКШнын блокада линиясына жакын жерге барбай туруп токтоду.
Шейшемби күндөн бери кысык тарабында 2000 кеме күтүүдө, 400гө жакын кеме да Ормуз кысыгы аркылуу булуңга кирүүнү күтүп жатат.
Кемелерге көз салуучу «MarineTraffic» маалымат базасынан алынган билдирүүлөр АКШнын санкцияларына дуушар болгон кемелер да кысыктан өткөнүн көрсөттү.
АКШнын деңиз күчтөрү операция башталгандан бери кеме кыймылы уланып жаткан Гвадар булуңу менен Рас-эль-Хадддын ортосундагы тилкеде блокада орноткону билдирилди.
TankerTraffic колдонмосу болсо, айрым кемелер өздөрүнүн ким экендигин жашыруу үчүн жасалма автоматтык идентификациялоо системасынын (AIS) сигналдарын берип жатканын билдирди.
АКШ президенти Дональд Трамп жарыялаган блокада, Вашингтон менен Тегерандын ортосунда дем алыш күндөрү Исламабадда өткөн сүйлөшүүлөр ийгиликсиз аяктагандан кийин, дүйшөмбү күнү Бишкек убактысы боюнча саат 14:00дө күчүнө кирген.
