АКШнын жогорку даражалуу өкүлү, Тель-Авив өкмөтү Газа тилкесинде ок атышпоо жана туткундарды алмашуу келишимин кабыл албаса, өтө оор кесепеттерге дуушар болорун эскертти. Бул тууралуу Израилдин маалымат каражаттары кабарлады.
“The Jerusalem Post” гезити шаршемби күнкү кабарында, АКШнын өкүлдөрү менен Газадагы израилдик туткундардын үй-бүлөлөрүнүн ортосунда жыйын өткөнүн билдирди.
Жыйын учурунда аты аталбаган АКШнын жогорку даражалуу өкүлү Израилдин ок атышууну токтотуу жана туткундарды алмашуу боюнча сүйлөшүүлөрдөгү позициясын сынга алып, АКШнын Сауд Арабия менен аймактык келишимге Израилдин катышуусуз эле жетише аларын билдирди.
Өкүл согушту токтотуу аракеттеринин ийгиликсиздигинин кесепеттерин Газадагы туткундардын тартып жатканын айтып, мунун кесепети Израиль үчүн да алда канча оор болот деп кошумчалады.
Ошондой эле АКШ өкүлү Йемендеги хуситтер менен түзүлгөн ок атышпоо келишими башталыш гана экенин белгилеп, "Эгер Израиль эсине келбесе 'Миң жылдык келишим' да анын катышуусуз ишке ашат" деп эскертти.
Жыйынга катышкан израилдик туткундардын туугандары АКШ өкүлүнүн сөздөрүн Израилди шартсыз колдоп келген өнөктөштүн позициясындагы өзгөрүү катары баалашканын билдиришти.
