Түркия Республикасынын Улуттук коргоо министрлиги жума күнү Пакистанды Эгемендүүлүк күнү менен куттуктап, эки өлкөнүн ортосундагы тыгыз байланыштарды дагы бир жолу тастыктады. 

NSosyal социалдык медиа платформасындагы билдирүүсүндө министрлик: "Дос жана бир тууган өлкө Пакистанды Эгемендүүлүк күнү менен куттуктайбыз!" - деди.

Постто ошондой эле Түркия менен Пакистан "орток тарых жана бир туугандык байланыштарын бекемдеп, күчтүү келечек үчүн биргелешип иштөөнү уланта берери" айтылды. 

Эки өлкөнүн ортосундагы көп жылдык мамилеге көңүл бурулган билдирүүдө тыгыз кызматташтыкты сактоого болгон милдеттенме баса белгиленди.