Түркиянын Тышкы иштер министрлиги Хакан Фидан бейшемби күнү (2-октябрда) расмий иш сапарынын алкагында Бириккен Араб Эмираттарына (БАЭ) бара турганын билдирди.
Фидан акыркы жолу 5-майда БАЭге барып, сапарында БАЭнин президенти Шейх Мухаммед бин Заид Аль Нахайян тарабынан кабыл алынган. Фидан тышкы иштер министри Шейх Абдулла бин Заид Аль Нахайян менен да жолугушууларды өткөргөн.
Фидандын бул сапарынын жүрүшүндө Түркиянын БАЭ менен көп кырдуу кызматташтыкты мындан ары да өнүктүрүү каалоосун баса белгилеши күтүлүүдө. Түркиянын тышкы иштер министри аймактык өнүгүүлөр боюнча сүйлөшүүлөрдү өткөрөт жана өзгөчө АКШ президенти Дональд Трамптын 29-сентябрда жарыялаган планынан кийин Газада ок атышууну токтотуу жана тынчтыкты орнотуу аракеттерине көңүл бурат.
Мындан тышкары, Фидандын согуштан улам талкаланган Сирияда туруктуулукту жана кайра курууну камсыз кылуу максатында Сирия өкмөтүнө колдоо көрсөтүүнүн маанисин баса белгилеши күтүлүүдө.
Түркия менен БАЭнин ортосундагы эки тараптуу карым-катнаштар акыркы жылдарда олуттуу жылыштарга жетишти. Президент Режеп Таййип Эрдогандын 2023-жылдын июль айында БАЭге жасаган сапары учурунда эки өлкө жогорку деңгээлдеги стратегиялык кеңешти (YDSK) түзүүнү макулдашып, карым-катнаштарды стратегиялык өнөктөштүккө көтөрүшкөн.
БАЭ Түркиянын Перс булуңундагы эң чоң соода өнөктөшү. Өз ара экономикалык байланыштар чыңдалып, эки өлкөнүн ортосундагы сооданын көлөмү 2024-жылга карата болжол менен 16 миллиард долларга жетет.
