АКШнын Аскер-аба күчтөрү министри Трой Мейнк орбитада бул курал АКШнын күчтөрүн душмандык аракеттерден коргоо үчүн зарыл экенин айтты.

Дүйшөмбү күнү Аба, космос жана кибер конференциясында сүйлөгөн сөзүндө Мейнк АКШ коркунучтарга даяр экенин, бирок куралдын жөндөмдөрү же анын орбитага качан жайгаштырыла тургандыгы жөнүндө маалымат берген жок.

Жогорку даражалуу аскер жетекчилери мурда келечектеги жаңжалда АКШнын спутниктерине кол салып аларды жараксыз кылуу жолдорун иштеп чыккан орусиялык жана кытайлык программаларды мисал келтирип космостогу аскердик мүмкүнчүлүктөрдү жогорулатуу ниетин билдиришкен.

Трамптын администрациясы космоско негизделген мүмкүнчүлүктөр жана бөгөт коюучу ракеталар АКШны ракеталардан жана башка аба коркунучтарынан коргоо үчүн пландаштырылган "Алтын купол" коргонуу системасынын маанилүү бөлүгү экенин айтты.