АКШнын Өкүлдөр палатасы коргонуу бюджетинин мыйзам долбоорунан (NDAA) “Америка жана Израиль аскердик күчтөрүнүн интеграциясын арттырууну караган” жобону алып салуу боюнча сунушталган өзгөртүүнү четке какты.
Демократиялык өкүл Ро Ханна тарабынан киргизилген түзөтүү талкууланып, Израилдин премьер-министри Биньямин Нетаньяхунун АКШга тийгизген таасирине каршы сындар айтылды.
Мыйзам долбоорунун 224-бөлүмүндө АКШ менен Израилдин ортосундагы аскердик технология, биргелешкен өндүрүш, машыгуулар жана маалымат алмашуу сыяктуу тармактардагы кызматташтыкты координациялоо үчүн "аткаруучу өкүл" дайындалышы сунушталган.
Түзөтүү сунушун колдогон өкүл Сара Жейкобс, оккупациячыл Израиль күчтөрүнүн эл аралык укукту бузганына жана жарандардын өлүмүнө себеп болгонуна карабастан, эки өлкөнүн ортосундагы аскердик байланыштардын тереңдетилишин сынга алды.
Өзгөртүү киргизүү сунушун четке кагуу чечими, Израилдин Газага жасаган чабуулдары жана аймакта себеп болгон адамзаттык кыйроолорунан улам АКШ коомчулугунда Израилге болгон симпатиянын эң төмөнкү деңгээлге түшкөн мезгилде кабыл алынды.
Бүгүнкү күнгө чейин Израилдин Газадагы согушунда он миңдеген палестиналык каза болуп, аймактын дээрлик бардык калкы жер которгон.
