Бир медициналык булак Анадолу агенттигине Газада бир палестиналык өспүрүмдүн Израилдин уланып жаткан блокадасы жана жардамдарга карата чектөөлөрүнүн натыйжасында жетишсиз тамактануудан улам каза болгондугун билдирди.
Маалыматка ылайык, 17 жаштагы Атеф Абу Хатер аттуу өспүрүм узакка созулган ачкачылыктын жана жетишсиз тамактануунун кесепетинен улам каза болду.
Бул акыркы адам өлүмү менен бирге, 2023-жылдын октябрынан бери Газада ачарчылыктан каза болгондордун саны 163кө жетти алардын 93ү балдар.
Израиль Газага 18 жылдан бери блокада киргизип, 2-марттан баштап бардык өткөөлдөрдү жаап, аймактагы гуманитардык шарттарды ого бетер начарлатты.
Эл аралык ок атышууну токтотуу чакырыктарын четке каккан Израиль армиясы 2023-жылдын 7-октябрынан бери Газа тилкесинде катуу чабуулдарды жүргүзүп, көпчүлүгү аялдар менен балдардан турган 60000ден ашуун палестиналыкты өлтүрдү.
Интегралдык Азык-түлүк Коопсуздугунун Фазалык Классификациясы (IPC) платформасынын маалыматына ылайык, Газада “ачарчылыктын эң жаман сценарийи” жүрүп жатат.
