Ирандын тышкы иштер министри Аббас Аракчи менен АКШнын президенти Дональд Трамптын атайын өкүлдөрү Стив Виткофф жана Жаред Кушнердин Нью-Йоркто "АКШнын расмий өкүлдөрүнүн өтүнүчү боюнча" жолуккандыгы кабарланды.
Ирандын мамлекеттик телеканалы тышкы иштер министри Аракчинин Нью-Йоркто Бириккен Улуттар Уюмунун (БУУ) Башкы Ассамблеясына катышып жаткан Трамптын кеңешчилери Виткофф жана Кушнер менен жолукканын ырастады.
"АКШнын расмий өкүлдөрүнүн өтүнүчү боюнча" өткөрүлгөндүгү айтылган жолугушууда Аракчи Ирандын Ормуз кысыгын ачуу шарттарын АКШга жеткиргени маалымдалды.
Иран тарабынан коюлган шарттардын арасында АКШнын деңиз блокадасын тез арада алып салуу, тоңдурулган Ирандын бардык активдерин бошотуу жана "каршылык көрсөтүү фронту" жайгашкан бардык аймактарда согушту токтотуу орун алды.
Нью-Йорктогу бул жолугушуу июнь айында Пакистанда кол коюлган келишимден кийин кайрадан кагылышуулар башталгандан берки Тегеран менен Вашингтондун ортосундагы биринчи жогорку деңгээлдеги бетме-бет жолугушуу болду.
АКШнын президенти Дональд Трамп АКШнын расмий өкүлдөрү Нью-Йоркто Иран делегациясынын өкүлдөрү менен дээрлик үч сааттык жолугушуу өткөргөнүн жана жолугушуу "абдан жакшы өткөнүн" билдирген.
