Ирандын Жогорку Улуттук Коопсуздук Кеңешинин катчысы Мухсин Резаи АКШнын президенти Дональд Трампты бутага алып: "Трамп сүйлөшө да, согуша да албайт", - деди.

Иран басма сөзүндөгү маалыматтарга караганда, Резаи Тегеранда Азербайжандын премьер-министринин кеңешчиси Шахин Мустафаев менен жолугушту.

Жолугушууда Резаи: "АКШ менен Израилдин Иранга чабуулдары бардык эл аралык мыйзамдарга каршы келет жана Иран өзүн чоң күч менен коргоду. Трамп сазга батып калды. Трамп сүйлөшө да, согуша да албайт", - деп билдирди.

Өлкөсүнүн АКШга шарттарды сунуштаганын эске салган Резаи Трамптын чечим кабыл алуу жөндөмү жок экенин айтып "АКШ согуш талаасындагы алсыздыгынан улам аба блокадасына барган", - деди.

Резаи тарых бою аймактан чет элдиктер көп жолу келип-кетип турганын, бирок Иран бул географияда кала берерин айтты.

АКШнын аймакта келечеги жок экенин айткан Резаи, өлкөсү АКШга каршы бекем турганын баса белгиледи.