Нигерия полициясы шейшемби күнү жасаган билдирүүсүндө, өлкөнүн түндүк-чыгышындагы Майдугури шаарында жан кечтилер тарабынан жасалган бир нече жардыруудан кеминде 23 адам каза болуп, 100дөн ашуун адам жаракат алганын кабарлады.
Полициянын катчысы Нахум Кеннет Дасо билдирүүсүндө: "Алдын ала иликтөөлөр окуяларды жан кечти-террористтер жасаганын көрсөтүүдө. Тилекке каршы жалпы 23 киши каза болуп, 108 адам ар кандай деңгээлдеги жаракаттарды алышты", — деп айтылды.
Дүйшөмбү күнү кечинде болгон жардыруулар, бийлик өкүлдөрү террористтерди айыптаган жана жекшемби күнү түнү башталып дүйшөмбү күнү таңга чейин аскердик пунктка жасалган чабуулдан кийин болду.
Мурунку күнү кечинде аскердик бекетке жасалган чабуул жана декабрь айындагы мечиттеги жардыруу менен коштолгон бул кол салуулар, Нигерияда көптөн бери уланып келе жаткан козголоңдун айыл жерлерине карай багытталышы менен шаардагы бейпилдикти бузду.
Кол салуулар күчөдү
Боко Харам террордук тобу жана атаандашы болгон "Батыш Африкадагы ДЕАШтын (ISWAP) мүчөлөрү акыркы убактарда Нигериянын түндүк-чыгышындагы чабуулдарын күчөттү.
Өлкөдө 16 жылдан бери уланып келе жаткан террордук аракеттер 40 000ден ашуун адамдын өмүрүн алып, 2 миллионго жакын адамдын жер которуусуна себеп болду.
Дүйшөмбү күнү кечинде шаардык ооруканада болгон AFP агенттигинин кабарчысы, жардыруудан жаракат алган ондогон адамдар дарыланып жатканын жана оорукананын үстү жабылган көптөгөн сөөктөрдү көргөнүн билдирди.
Полиция шейшемби күнү эртең менен жасаган билдирүүсүндө, "жабыркаган аймактарда абалдын турукташканын" жана коопсуздук күчтөрүнүн "жаңы окуяларды алдын алуу үчүн Майдугури жана анын тегерегинде көзөмөлдү күчөткөнүн" маалымдады.
