Түркия менен Бельгия дипломатия, коргонуу жана соода тармагында эки тараптуу байланыштарды бекемдөө боюнча кадам ташташты; эки өлкөнүн министрлери Анкара шаарында шаршемби күнү бир катар жолугушууларды өткөрүштү.

Дипломатиялык булактардын маалыматы боюнча, Бельгиянын Түркиядагы экономикалык миссиясынын алкагында Түркиянын тышкы иштер министри Хакан Фидан Бельгиянын вице-премьер-министри жана тышкы иштер министри Максим Прево менен жолугушту.

Прево Бельгиянын Европа иштерb жана өнүгүү боюнча кызматташтык министри катары да иш алып барат.

Коргонуу тармагында Түркиянын коргоо министри Яшар Гүлер бельгиялык кесиптеши Тео Франкенди кабыл алдыү Франкен эки өлкөнүн мамлекеттик гимндери жаңырып, ардактуу кароол тизилген аскердик азем менен тосуп алынды.

Андан кийин эки коргоо министри жеке сүйлөшүүлөрдү ишке ашырышты жана Түркиянын Улуттук коргоо министрлиги, Коргонуу өнөр жайынын төрагалыгы жана Бельгиянын Коргонуу министрлигинин ортосунда ниет катына кол коюлду.

Кол коюу аземине Коргонуу өнөр-жайынын катчысы Халук Гөргүн менен Бельгиянын Улуттук куралдануу директору, генерал-лейтенант Бернард Фалег катышты.

Эки жолугушуунун мазмунуна байланыштуу дароо кошумча маалымат берилген жок.