Президенттиктин инвестиция жана финансы кеңсесинин башчысы Бурак Даглыоглу мамлекет бардык ресурстары жана саясаты менен ишкерлердин жанында экенин билдирип, "Өткөн жылы эле 2025-жылы бул өлкөдө жаңы технологиялык демилгелерге дээрлик 700 миллион долларлык инвестиция салынды" деди.
Жаш MÜSİAD б.а Көз карандысыз өнөр жайчылар жана ишкерлер ассоциациясы тарабынан эки жылда бир жолу уюштурулган Эл аралык жаш ишкерлер конгресси (UGİK'26) "Келечек: Бүгүн" деген тема менен башталды.
Президенттиктин инвестиция жана финансы кеңсесинин башчысы Даглыоглу, Көз карандысыз өнөр жайчылар жана ишкерлер ассоциациясынын (MÜSİAD) башкы жетекчиси Бурхан Өздемир, Жаш MÜSİAD төрагасы Магсум Уста жана Эл аралык жаш ишкерлер конгрессинин UGİK аткаруучу кеңешинин төрагасы Өмер Фарук Челик ачылыш сөздөрүн сүйлөдү.
Даглыоглу белгисиздик чөйрөсүндө бизнес жүргүзүү, жол табуу жана алдыга жылуу ар кимдин эле колунан келе бербестигин айтып: "Бизге бул жерде лидерликти көрсөтө турган инсандар керек. Белгисиздикте жолду басып өтүүгө кимдин кайраты жетет? Эң негизгиси ишкерлер. Ишкердик дегенде, аны ишкер катары гана түшүнбөө керек. Менин оюмча биздин президент саясатта жана дипломатияда ишкердин эң чоң үлгүсү" деди.
-"2025-жылы эле бул өлкөдө алгачкы технологиялык демилгелерге дээрлик 700 миллион долларлык инвестиция салынды".
Бурак Даглыоглу ишкерлердин коомчулукта анча кеңири таралбагандыгын, ошондуктан жакшы ишкер эң баалуу активдердин бири экенин билдирди.
Даглыоглу мамлекет бардык ресурстары жана саясаты менен бул ишкердик сапарында ишкерлерди колдоп жатканын белгилеп, "Азыр залда эл аралык коноктор да бар". Өткөн жылы эле бул өлкөдө алгачкы технологиялык демилгелерге дээрлик 700 миллион долларлык инвестиция салынды", - деди.
MÜSİAD башчысы Өздемир да жеткирүү чынжырлары бузулуп, күч балансы өзгөрүп жатканын айтты.
Өздемир жаш ишкерлердин милдети компанияларды түзүү гана эмес, жаңы коомдук моделдерди жана жаңы коомдук түшүнүктү жаратуу экенин баса белгиледи.
Мурда кайраттуулук тобокелчиликке барууну билдиргенин айткан Өздемир: "Бүгүнкү күндө болсо кайраттуулук адилеттүү система үчүн учурдагы системада талапкы катуу коюу дегенди билдирет", - деди.
-"Ишкердик дүйнөсүндө чыныгы өзгөрүүлөрдү жасагандар эң мыкты угуучулар"
Жаш MÜSİAD башчысы Уста болсо бизнес дүйнөсүндө чыныгы өзгөрүүлөрдү жасагандар эң мыкты угуучулар экенин билдирди.
Магсум Уста: "Натыйжалуу угуучу кардардын айтпаганын түшүнөт. Өнөктөшүнүн тартынчаактыгын байкашат. Алар командасы унчукпай турган жерде чыныгы көйгөйдү көрүшөт. Угуу тартиби - лидерлик булчуңу болуп эсептелет. Булчуңдар колдонулбаса алсырайт. Колдонулган сайын күчтөнөт", - деп сереп салды.
Жаңы муундун укмуштуудай таланттуу экенин айткан Уста алардын тез үйрөнөрүн, эр жүрөк экенин жана өзүнө болгон ишеними жогору экенин, бирок бул тармакта эң көп кездешкен кемчилик - чыдамсыздык экенин билдирди.
