Улуттук чалгындоо уюмунун башчысы Калын Газа планын талкуулоо үчүн ХАМАС делегациясын кабыл алды
ХАМАС делегациясы Газада тынчтыкты орнотуу аракеттеринен улам Түркияга ыраазычылык билдирди.
Түрк коопсуздук булактарынын маалыматына караганда, Түркиянын Улуттук чалгындоо уюмунун (MIT) башчысы Ибрахим Калын ХАМАСтын саясий бюросунун сүйлөшүү тобунун башчысы Халил ал-Хайя жана аны коштогон ХАМАС делегациясы менен Газадагы абалды талкуулоо үчүн жолугушту.
Шейшемби күнү Анкарада өткөн жолугушууда Израилдин Газада улантып жаткан соккулары жана начарлаган гуманитардык кырдаал, ошондой эле басып алынган Батыш Шериадагы мыйзамсыз отурукташкандардын зомбулугу жана Кудстагы Аль-Акса мечитине карата чектөөлөр каралды.
Расмий өкүлдөр Газа тынчтык планынын биринчи баскычында Израилдин милдеттерин аткаруусу маанилүү экенин баса белгилешип, экинчи баскычты алга жылдыруу үчүн талап кылынган кадамдарды кеңири карап чыгышты.
ХАМАС делегациясы Түркиянын Газада тынчтыкты орнотуу боюнча бүгүнкү күнгө чейинки аракеттерин жогору баалап президент Режеп Таййип Эрдоганга ыраазычылык билдирди.
ХАМАС делегациясы ошондой эле Түркиянын тышкы иштер министри Хакан Фидан менен да жолугушту.