Ушул алкакта, Ирактын Премьер-министри Али Фалих эз-Зейдинин 28-июлда Түркияга суткасына 1 миллион баррелге чейин мунай камсыз кыла аларын билдиргени Иракты Анкаранын энергия борбору болуу стратегиясындагы негизги өнөктөштөрдүн бири катары алдыга чыгарууда.
Бул жарыядан бир нече күндөн кийин Жейханга ташылуучу Ирак мунайынын көлөмүн олуттуу көбөйтүүнү күткөн конкреттүү кадам жасалды.
Түркия менен Ирактын 1-августта кол койгон бир жылдык келишимине ылайык, Ирак-Түркия чийки мунай кууру аркылуу Жейханга күнүнө кеминде 750 миң баррель чийки мунайды ташуу жана жүктөө каралган.
Ушундайча күнүмдүк болжол менен 1,5 миллион баррель техникалык кубаттуулуктагы куурду натыйжалуу пайдалануу жана Жейханга барган Ирак мунайынын көбөйтүү максат кылынууда, ал эми келечекте Кувейттен жана башка Перс булуңундагы өлкөлөрдөн келген мунайды да ушул багыт аркылуу дүйнөлүк рынокко жеткирүү пландалууда.
Бул көз караш, айрыкча Ормуз кысыгы аркылуу мунай ташуудагы үзгүлтүктөр альтернативдик экспорттук жолдордун маанисин арттырган мезгилде, Анкаранын Жакынкы Чыгыштагы өндүрүүчү өлкөлөр менен Батыш базарларынын ортосундагы энергетикалык коридор ролун бекемдөө потенциалына ээ.
Мындан тышкары Түркия, Түркия Мунай Улуттук Корпорациясынын (TPAO) 2028-жылы суткасына болжол менен 500 миң баррелге жетиши күтүлгөн мунай жана жаратылыш газын өндүрүү көлөмүн орто мөөнөттө 1 миллион баррелге чыгаруу максатына ылайык чет өлкөлөрдөгү ишмердүүлүгүн кеңейтүүдө.
TPAO 28-июлда «bp Energy Company of Kirkuk Limited» компаниясынын 15 пайыздык үлүшүн сатып алып, Керкүктөгү мунай кендерин өнүктүрүүгө өнөктөш болгон. Келишимдин алкагында TPAO, bp жана ConocoPhillips компаниялары Баба жана Авана куполдору менен Баи Хассан, Жамбур жана Хаббаз кендеринде өндүрүштү көбөйтүү үчүн биргеликте иш алып баруусу каралган.
