Өлкөнүн тышкы иштер министри жекшемби күнү Нью-Йоркто Португалия Палестина мамлекетин расмий тааныганын жарыялады.
RTP агенттигинин маалыматына ылайык, тышкы иштер министри Пауло Рангел бул тууралуу Нью-Йорктогу Португалиянын туруктуу өкүлчүлүгүндө билдирди.
Рангел ошондой эле бардык туткундарды бошотууга, кагылышууларды токтотууга жана Газада ок атышпоону камсыздого чакырды.
Анын айтымында, бул чечим президент жана парламенттеги партиялардын басымдуу көпчүлүгү колдогон консультациялык процесстин жыйынтыгында 18-сентябрдагы Министрлер кеңешинин бекитүүсү менен түз кабыл алынды.
Президент Марселу Ребелу де Соуза буга чейин өкмөттүн бул кадамын толук колдой турганын билдирген.
Бул жарыя БУУнун Башкы Ассамблеясынын алдында Улуу Британия, Канада жана Австралия да Палестина мамлекетин расмий түрдө тааныганын жарыялагандан бир нече саат өткөндөн кийин айтылды.
Франция, Люксембург жана Мальта болсо келерки аптада өткөрүлө турган Ассамблея учурунда ушундай кадам жасай турганын ырасташкан.
