Грециянын Родос аралында нөшөрлөп жааган жамгырдан улам сел жүрүп, бир адам каза болду.
Жергиликтүү маалымат каражаттарынын билдиргенине караганда, Родостун Стегна аймагында 20 жаштагы эркек кишинин сөөгү сел алып келген урандылардын жана камыштардын астынан табылды.
Аймактагы селден улам деңизди карай аккан төрт унаанын биринде болгон жаш жигит болушу мүмкүн экендиги болжолдонууда.
Грециянын бир катар аймактарында нөшөрлөп жааган жамгырдан улам сел жүрдү. Эвия аралындагы Макрикапа аймагы түшкө маал эвакуацияланды.
Көптөгөн аймактарда үйлөрдү жана ишканаларды суу каптап, кургактыктагы жана деңиздеги транспорт кыймылы үзгүлтүккө учурады. Айрым жерлерде мектептер жабылды.
