Пакистан армиясы Жаңы Делини "ачык агрессия актысы" катары аба мейкиндигин кайра-кайра бузганы үчүн айыптап, түнү бою Индиянын 12 дронун атып түшүргөнүн кабарлады.

Аскердик басма сөз катчы генерал-майор Ахмед Шариф Чаудри бейшемби күнү билдиргендей, Израилде өндүрүлгөн Harop үлгүсүндөгү дрондордун ар кайсы аймактарда, анын ичинде Карачи жана Лахор сыяктуу ири шаарлардын жанында атып түшүрүлдү.

Индия акыркы он жылда Израилден 2,9 миллиард долларлык аскердик техниканы, анын ичинде радарларды, байкоочу жана согуштук учкучсуз аппараттар менен ракеталарды импорттогон.

Пакистан армиясынын өкүлү пресс-конференцияда: "Карачи жана Лахор шаарларынын чек аралары менен бирге бардык сокку урулган жерлерден калдыктар чогултулуп жатат" деди.

Армия Индиянын акыркы чабуулдарынан кийин дрондорду учурууну улантып жатканын, бирок Пакистан аларды «бир бирден зыянсыздандырып жатканын» айтты.

Армия дрондордун чабуулдары адам өмүрүнө же инфраструктурага зыян алып келгенин тастыктаган жок, бирок калдыктар иликтенгенден кийин кененирээк маалымат берилерин билдирди.