Индия полициясынын Жамму Кашмирде Исламий китептерди тартып алышына каршылык көрсөтүлдү.
Индиянын көзөмөлүндөгү Жамму Кашмирде полиция китеп дүкөндөрүн тинтүүгө алып, Исламий китептерди тартып алганы аймактагы мусулман лидерлеринин нааразычылыгын жаратты.
Сринагарда башталган рейддер башка райондорго да жайылды. Мусулман лидерлери бул кыймылды диний адабиятка жасалган адилетсиз чабуул деп сыпатташты.
Полиция рейддердин "тыюу салынган уюмдун идеологиясын жайылткан китептер жашыруун сатылып жаткандыгы тууралуу чалгындоо маалыматтарынан" кийин жүргүзүлгөнүн билдиргени менен жетекчилер автордун аты-жөнүн ачыктаган жок. Бирок китеп сатуучулар конфискацияланган китептердин Жамаат-е-Исламинин негиздөөчүсү Абул Ала Мавдудиге таандык экенин айтышты.
Шамим Ахмед Токар конфискацияланган китептер "жакшы адеп-ахлактык баалуулуктарды жана жоопкерчиликтүү жарандыкка үндөйт" деди.
Кашмирдин баш имамы Омар Фарук "Ислам адабиятына кысым көрсөтүү жана китеп дүкөндөрүнөн чогултуу акылга сыйгыс" деп бул кыймылды айыптады. Ошондой эле бул китептердин интернетте да бар экенине көңүл бурду.
Адистер жана аймакта жашаган көптөгөн кашмирликтер, Моди өкмөтү 2019-жылы Кашмирди автономиядан ажыраткандан бери жарандык эркиндиктер чектелип калганын айтышууда.
