Эрдоган: «Трамп-Путин жолугушуусу Орусия-Украина согушун токтотууга «жаңы дем» берди»
Президент Эрдоган Украинанын президентин да камтыган жаңы процесстин туруктуу тынчтыкка жол ача турганына үмүт артып, Түркиянын ар тараптан салым кошууга даяр экенин айтты.
Түркиянын президенти Режеп Таййип Эрдоган ишемби күнү АКШ президенти Дональд Трамп менен Орусиянын президенти Владимир Путиндин Аляскада өткөн сүйлөшүүлөрү Орусия-Украина согушун токтотуу аракеттерине "жаңы дем" бергенин айтты.
"АКШ президенти Дональд Трамп менен Орусия Федерациясынын президенти Владимир Путиндин Аляскада өткөргөн жолугушуулары Орусия-Украина согушун токтотуу жолдорун издөөдө жаңы дем берди", – деп Эрдоган социалдык тармактагы билдирүүсүндө жазды.
Президент ошондой эле: "Аляскадагы саммитти куттуктайбыз жана Украинанын президенти Зеленскийдин катышуусу менен бул жаңы процесс туруктуу тынчтыктын пайдубалын түптөйт деп үмүттөнөбүз. Түркия тынчтыктын орношуна бардык салымын кошууга даяр" деди.