Ирандын ракета жана дрон запастарынын “көптөгөн жылга созула турган согушка жете турган деңгээлде” экендиги жарым расмий Тасним маалымат агенттигине маек берген ирандык депутат тарабынан билдирилди.
Иран парламентинин Улуттук коопсуздук жана тышкы саясат комиссиясынын төрагасынын орун басары Алаеддин Боружерди шаршемби күнү жасаган билдирүүсүндө, Тегеран өзүнүн бардык мүмкүнчүлүктөрүн али көрсөтө электигин айтты. Боружерди: "Биз жаңы карталарыбызды али ача элекпиз", — деди.
Боружерди АКШнын деңиз блокадасын "натыйжасыз" деп мүнөздөп четке какты Ормуз кысыгынын жакынында 120га жакын кеме өтүүнү күтүп жатканын, ошол эле учурда көптөгөн ирандык кемелер АКШ күчтөрүнүн кийлигишүүсүз эле өз ишин улантып жатканын кошумчалады.
Аймактык динамикага токтолгон Боружерди Кызыл деңизди Аден булуңу менен туташтырган Баб-эль-Мандеб кысыгы Ормуз кысыгы сыяктуу эле стратегиялык мааниге ээ экенин жана ал жердеги окуялар деңиз жолдоруна таасир этиши мүмкүн экенин айтты. Ошондой эле Иран Ормуз кысыгындагы эгемендүүлүк укуктарынан артка кайтпай турганын билдирди.
Бир тараптан Иран Ислам революциясынын сакчылар корпусунун (ИРСК) деңиз күчтөрү командирлигинин саясий жардамчысы Хамад Экберзаде, АКШ тараптан кандайдыр бир аскердик аракет болсо, деңиз күчтөрү жаңы мүмкүнчүлүктөрүн колдоноорун эскертти.
АКШ жана Израиль 28-февралда Иранга каршы биргелешкен чабуул баштаган. Буга жооп катары Тегеран Перс булуңундагы өлкөлөрдө жайгашкан АКШнын объектилерине сокку урган.
АКШ жана Израиль 28-февралда Иранга каршы биргелешкен чабуул баштаган. Буга жооп катары Тегеран Перс булуңундагы өлкөлөрдө жайгашкан АКШнын объектилерине сокку урган.
Пакистандын ортомчулугу менен 8-апрелде ок атышууну токтотуу жарыяланган. 11-12-апрелде Исламабадда сүйлөшүүлөр өткөнү менен, алар натыйжасыз аяктаган.
АКШ президенти Дональд Трамп Тегерандын "Ормуз кысыгын ачуу, бирок өзөктүк программа маселесин кийинкиге калтыруу" тууралуу сунушун кабыл алуу ыктымалдыгы төмөн экенин ишарат кылды.
