АКШ келерки аптада Бириккен Улуттар Уюмунун (БУУ) Башкы Ассамблеясында сөз сүйлөөсү күтүлүп жаткан Палестинанын мамлекет башчысы Махмуд Аббастын виза өтүнүчүн четке какты.

“The Times of Israel” гезитинин АКШлык жана палестиналык расмий өкүлгө шилтеме жасап жазганына караганда, Аббас экинчи жыл катары менен БУУнун Башкы Ассамблеясында видеоконференция аркылуу сөз сүйлөөгө аргасыз болот.

Аббастан тышкары, БУУнун Башкы Ассамблеясына катышуу үчүн АКШга барышы күтүлүп жаткан башка палестиналык расмий өкүлдөрдүн да виза өтүнүчтөрү четке кагылды.

Палестиналык расмий өкүл виза берүүдөн баш тартуунун себеби "террористтик иштерге катышкан же террористтик уюм менен байланышы бар адамдарга виза берүүгө тыюу салган 212(а)(3)(В) беренеси" деп билдирди.

Аббастын виза өтүнүчүн жокко чыгаруунун себеби ошол элеби же жокпу, белгисиз.

Бир тараптан АКШнын Мамлекеттик департаменти Палестина башкаруучулугунун кызматкерлерине "реформаларды жүргүзбөгөн, АКШга байланыштуу милдеттенмелерин бузган жана тынчтык келечегине доо кетирүүчү иш-аракеттерди уланткан" деген негизде санкцияларды узартаарын, анын ичинде виза бербей турганын жарыялады.

Билдирүүдө Махмуд Аббаска виза берилбегендигине байланыштуу маалыматтар болсо камтылган жок.