Global Times гезитине караганда, Кытай АКШ сунуш кылган “Алтын купол” ракетадан коргонуу системасы космос мейкиндигин тынчтык максатта пайдалануу принцибин бузат жана глобалдык стратегиялык стабилдүүлүккө коркунуч келтирет деп билдирди.
Бул реакция АКШнын президенти Дональд Трамп шейшемби күнү ракетадан коргонуу боюнча жаңы планын жарыялагандан кийин болду, анын баасы 175 миллиард долларды түзөрү күтүлүүдө жана орбиталык кийлигишүү мүмкүнчүлүктөрүн өнүктүрүүгө багытталууда.
Кытайдын Тышкы иштер министрлигинин өкүлү Мао Нин шаршемби күнү бул система "АКШнын космостук согуш жөндөмдүүлүгүн олуттуу түрдө жогорулатат" деди.
"Бул система ачык эле агрессивдүү мүнөзгө ээ, 1967-жылдагы Космос келишиминде айтылгандай космосту тынчтык максатта пайдалануу принцибин бузат. Космосту милитаризациялоо жана куралдануу тобокелдиктерин күчөтөт, ошону менен эл аралык коопсуздукту жана курал-жарактарды көзөмөлдөө системасын алсыратат" деди Мао Пекинде журналисттерге.
Долбоордун глобалдык стратегиялык тең салмактуулукка коркунуч туудурганын белгилеген Мао: «Биз АКШны глобалдык ракетадан коргонуу системасын өнүктүрүү жана жайгаштыруу пландарынан баш тартууга жана чоң державалардын ортосундагы стратегиялык өз ара ишенимди арттыруу үчүн конкреттүү кадамдарды таштоого чакырабыз»,-деп кошумчалады.
"Эгемендик маселеси"
Бирок Орусия Вашингтондун планын АКШнын “эгемендик маселеси” деп сыпаттады.
Кремлдин басма сөз катчысы Дмитрий Песков Москвада журналисттерге "Бул АКШнын суверенитетинин маселеси" деди.
"Кошмо Штаттар ракеталык коркунуч бар деп эсептесе, албетте ракетадан коргонуу системаларын өнүктүрөт. Мындай потенциалы бар бардык өлкөлөр муну жасайт", - деп айтты Песков.
Басма сөз катчы, Орусия АКШ менен өзөктүк тең салмактуулук коркунучун карап жатат деген дооматты четке какты.
Песков "Бул жерде нюанстарды түшүнүү керек. Азырынча бул долбоордун деталдары жок", - деди.
Долбоордун чыгымдары
Алтын куполдун акыркы баасы белгисиз бойдон калууда.
“Алтын куполдун” жумушчу тобун жетектеген сенатор Тим Шихи “Алтын купол” долбоору аяктагандан кийин анын баасы триллиондогон долларды түзүшү мүмкүн деди.
Ал эми сенатор Ангус Кинг АКШнын жалпысында “Алтын куполду” курууга 6,2 триллион доллар сарпталат деп божомолдоодо.
Түндүк Корея, Кытай жана Орусиядан келип чыккан коркунучтарга каршы туруу үчүн Алтын куполдун чоңураак дизайны керек болушу, мунун да чыгымдарды көбөйтүшү мүмкүн экени белгиленди.
