Ирандын Куралдуу күчтөрүнүн согуштук аракеттерди жүргүзгөн бөлүгү болгон Хатам аль-Анбия борбордук штабынын басма сөз катчысы Ибрахим Зулфикари АКШнын Ормуз кысыгына кийлигишүүсүнө жол бербей турганын кайталап, мунун "келишимсиз кызыл сызык" экенин билдирди.

Жарым расмий Tasnim маалымат агенттигинин кабарына караганда Зулфикари АКШнын чабуулдары жана Ормуз кысыгындагы кырдаал боюнча билдирүүлөрдү жасады.

АКШ  чабуулдар менен аймакты туруксуздаштырууну улантып жатканын белгилеген Зулфикари алар аймак тышындагы өлкө болгон АКШнын Ормуз кысыгына эч кандай шартта кийлигишүүсүнө жол бербей турганын жана бул Ирандын "келишимсиз кызыл сызыгы" экенин айтты.

Зулфикари  эгер АКШ Ирандын инфраструктурасын бутага ала турган болсо аймактагы бардык инфраструктураны бутага алып, эч кандай из калтырбай турганын эскертти.