АНКАРА (AA) - Түштүк Корея менен Борбордук Азия лидерлери өндүрүш жана инфраструктура, маанилүү минералдар, энергетика жана санариптик трансформация жаатында кызматташат.

Yonhap агенттигинин маалыматына караганда, Түштүк Корея, Казакстан, Өзбекстан, Түркмөнстан, Кыргызстан жана Тажикстандын лидерлери Сеулда өткөн Корея-Борбордук Азия саммитинде жолугушту.

Президенттин коомчулук менен байланыш боюнча катчысы Сонг Ги-хонг саммитте лидерлер өнөр жай саясаты, өндүрүш жана инфраструктура, маанилүү минералдар, энергетика жана санариптик трансформация жаатындагы кызматташтыкты тереңдетүү боюнча өз ара түшүнүшүү меморандумуна кол коюшканын билдирди.

Сонг лидерлер кызматташуу келишимдерин жана максаттарын камтыган Сеул декларациясын кабыл кабыл алгандарын, мунун Түштүк Корея менен Борбордук Азиянын ортосундагы 30 жылдык кызматташтык мезгилин баштай турган "бурулуш учур" экенин айтты.

Лидерлер ошондой эле жасалма интеллект жана илим жаатындагы кызматташтыкты бекемдөө максатында биргелешкен демилгени башташты.